БИШКЕК, 31-окт. — Sputnik. Сирияда экстремизмдин өсүшү диний дискриминацияга негизделген саясат деп атады Түркиянын бийлигинде турган Акыйкаттык жана өнүгүү партиясынын төрагысынын орун басары, ТИМдин мурдагы башчысы Мевлют Чавушоглу 1-ноябрда өтүүчү парламенттик шайлоо алдында.
"Сирияда диний дискриминацияга негизделген саясатты жоюу керек. Түркия Сирияда тынчтык менен туруктуулук болушунан башка эч нерсени көздөбөйт. Ошондуктан анын аймактык бүтүндүгүн, светтик институттарын коргоо, диний дискриминация саясатынан баш тартуу өтө маанилүү", — деди Чавушоглу.
Анын айтымында, Сирияда "Ислам мамлекетинин" таасири күч алышына президент Башар Асад жооптуу экенин белгиледи.
"Эгер өлкөнүн жетекчилиги өз калкынын 10%ынын гана кызыкчылыгын коргоп, калганын саясий процесстен четтетип жана маргиналдарга айлантууга аракет кылса, радикализм үчүн негиз жаралат", — деп кошумчалады саясатчы.
30-сентябрядан тарта Россия Башар Асаддын кайрылуусу менен ИМдин Сирияда жайгашкан жерлерине абадан сокку урууда. Ушул мезгилге чейин миңден ашык учуулар болуп, жүздөгөн согушкерлер, ондогон башкаруу пункттары, кампалары жана башча ИМдин объектилери жок кылынды. Россиянын аба жана деңиз күчтөрүнүн колдоосу менен сириялык аскерлер террористтерге каршы жердеги чабуулун алдыга жылдырып, эми бул аракеттер активдүү жүрүүдө.
