БИШКЕК, 11-ноя. — Sputnik. Жыл башынан бери Мамлекеттик архитектура жана курулуш агенттиги Кыргызстандын аймагында курулуш ишмердүүлүгүн жүргүзүү үчүн 528 лицензия бергенин аталган мекеме билдирди.
Аймактар боюнча жалпы лицензиянын басымдуу бөлүгү Бишкек шаарына туура келет. Андан кийин Ош, Чүй, Жалал-Абад, Ысык-Көл, Баткен, Нарын жана Талас облустары турат.
Маалыматка ылайык, 314 компания биринчи жолу уруксат алды. Жалпы лицензиянын 514ү юридикалык жактарга, ал эми 14 лицензия жеке жактарга берилген.
Муну менен бирге мыйзам бузгандыгы үчүн төрт компаниянын ишмердүүлүгү токтотулган.
