БИШКЕК, 10-ноя. — Sputnik. Мектеп имаратынын сапатсыз курулганынан улам башка жайларда окууга аргасыз болгон Кочкор районун Ак-Жар айылынын окуучулары жаңы мектептүү болушканын Билим берүү жана илим министрлиги билдирди.
Аталган мектептин окуучулары өткөн окуу жылдын аяк ченинен баштап башка жайларда окууга мажбур болушкан. Өкмөттүн атайын программасына ылайык, аталган мектеп жаңы курула турган 70 мектептин катарына кирген.
Сариеванын айтымында, Ак-Жардагы мектепти Мамлекеттик архитектура жана курулуш агенттиги салып, ал эми окуу жайдын сапатына Экология-техникалык инспекциясы көзөмөл жүргүздү.
"Курулуш менен бирге эмерек сатып алуу иштери да жүрдү, мындан улам мектеп ноябрь айында пайдаланууга берилди", — деп билдирди министр.
Быйылкы окуу жылына карата Нарын облусу боюнча жети жаңы объект салынып, дагы 15 мектепти капиталдык ремонттон өткөрүү пландаштырылган.
