БИШКЕК, 11-ноя. — Sputnik. Абдылас Малдыбаев атындагы Кыргыз Улуттук Академиялык опера жана балет театрында дүйнөлүк балет искусствосунун жылдыздары катышкан ири программадагы концерт өтөрүн Маданият, маалымат жана туризм министрлиги билдирди.
Иш-чара үстүбүздөгү жылдын 25-26-ноябрь күндөрү өтөт. Ага Франция, Германия, Түркия, Куба, Эстония, Латвия, Казакстандын театрларынын катышуусу күтүлүүдө. Мындан тышкары, кыргызстандык чеберлер да өз өнөрүн көрсөтөт.
Концерттик программада дүйнөлүк классика жана заманбап хореографиялык искусство номерлери тартууланат.
