БИШКЕК, 5-ноя. — Sputnik. Балдар үйлөрүнүн жана интернаттык мекеме адистери үчүн семинар башталганын Билим берүү жана илим министрлиги билдирди.
Окуу 4-7-ноябрь күндөрү өтүп, үч секцияда иштейт. Алгач интернат тарбиялануучуларын окутуу жана аларга мамиле жасоонун инновациялык ыкмалары талкууланат. Экинчи бөлүктө атайын жалпы билим берүү жайлардагы балдар менен иштешүү тууралуу маалымат берилсе, кийинкисинде саламаттыгы боюнча мүмкүнчүлүгү чектелген балдар менен иш алып баруунун психологиялык жана медициналык жагы талкууланмакчы.
Иш-чарага Билим берүү жана илим, Социалдык өнүгүү министрликтерини жана Евразиялык фонддун өкүлдөрү катышууда.
