Япондуктар сасык тумоонун вирусун бир күндө жок кыла турган дары чыгарат

© Sputnik / Алексей Даничев / Медиабанкка өтүүДары-дармек. Архив
Дары-дармек. Архив - Sputnik Кыргызстан
Жазылуу
Үч жылдан кийин Япония сасык тумоонун вирусун бир күндө жок кылуучу дары чыгарат.

БИШКЕК, 30-окт. — Sputnik. Сасык тумоонун вирусун бир күндө жок кылып, кишини бат айыктыра турган дарыны Япония 2018-жылдан тарта чыгарууну пландап келет.

Генетиктер адамды жашартуучу помидорду табышты
Жаңы дарынын өзгөчөлүгү ал вирусту жок кылып, анын тарашына бөгөт коет. Жаңы дары вирустун жандануусуна керектүү болгон ферменттердин көбөйүшүнө жол бербейт. Андыктан адамдын айыгышы үчүн бир эле күн жетиштүү болот.

Бул дары Япониядан биринчи клиникалык сыноосунан өтүп, өзүнүн жакшы таасирин көрсөткөнүн "Никкэй" гезити билдирди. Экинчи баскычы, ноябрь айында башталат, себеби бул учурда сасык тумоо менен ооругандардын саны көбөйөт. Дары жүздөгөн кишилерге сыналат.

Япониянын саламаттык сактоо министрлиги тарабынан дарынын чындап эле натыйжалуулугу тастыкталып, документация жана лицензия берүү иштери аяктагандан кийин 2018-жылдан тарта сатыкка чыгышы мүмкүндүгүн маалымдады.

Жаңылыктар түрмөгү
0