Кыргыз-тажик чек арасынан 1 млн. сомдук аткезчилик товары кармалды

© Фото / Auntie PЧек ара зымы. Архив
Чек ара зымы. Архив - Sputnik Кыргызстан
Жазылуу
"Shacman" унаасы менен келе жаткан жаран 18 тонналык курулуш материалын жүктөп келе жаткан. Аны "Дөбө" чек ара заставасынын кызматкерлери колго түшүрүшкөн.

БИШКЕК, 29-окт. — Sputnik. Баткен облусунун кыргыз-тажик чек арасынан 1 миллион 200 миң сомдук контрабанда жүгүн ташып келе жаткан жаран кармалганын Мамлекеттик чек ара кызматы билдирди.

Күйүүчү май ташуучу автоунаа. Архив - Sputnik Кыргызстан
Экономика министрлиги чек арадан мыйзамсыз ташылган күйүүчү майды каттайт
Маалыматка ылайык, үйдүн чатырын жаба турган 18 тонналык курулуш материалын Тажикстандан алып келе жаткан жаран "Дөбө" чек ара заставасынын кызматкерлери тарабынан кармалган. Текшере келгенде анын аталган жүктү ташууга уруксат берүүчү документи болгон эмес.

Тийиштүү документтер толтурулгандан кийин кармалган жаран бардык товары менен Бажы кызматынын өкүлдөрүнө өткөрүлүп берилди.

Жаңылыктар түрмөгү
0