БИШКЕК, 28-окт. — Sputnik. Президент Алмазбек Атамбаев өкмөттү отставкага кетирди. Бул тууралуу өлкө башчынын маалымат кызматы билдирди.
Атамбаев бүгүн, 28-октябрда, "Кыргыз Республикасынын Өкмөтүнүн отставкасы жөнүндө" Жарлыкка кол койду.
Ага ылайык, Жогорку Кеңештин VI чакырылышы өз ишин баштап, мурунку парламенттин "Мамлекеттүүлүктү бекемдөө үчүн" коалициясынын көпчүлүк статусун жоготкондугуна байланыштуу өкмөт отставкага кетти деп эсептелинет.
Ал эми премьер-министр, биринчи вице-премьер, вице-премьерлер жана өкмөт мүчөлөрү мурда ээлеген кызмат орундарына ылайык милдеттерин аткарууну өкмөтүнүн жаңы курамы түзүлгөнгө чейин улантышат.
Жарлык кол коюлган учурдан баштап күчүнө кирет.
