БИШКЕК, 27-окт. – Sputnik. Ош шаарынын "Горная Поляна" конушунда жаңы ФАП ачылып, эми анын жашоочуларын медициналык жактан тейлөөнүн сапаты жакшырды. Бул туурасында Ош шаардык мэриясынын маалымат кызматы билдирди.
Жаңы медициналык жайды ачууга 2 млн. 901 миң сом жумшалды. Анын 145 миңи жергиликтүү бюджеттен каралды. Ал эми калган бөлүгүн Коомчулукту өнүктүрүү жана инвестициялоо агенттиги көтөрүп, 2 млн. 757 миң сом бөлдү.
Үч миңге чукул жашоочусу бар "Горная Поляна" №12 "Курманжан-Датка" аймактык кеңешине караган шаардын эң алыскы конуштарынын бири. Буга чейин аталган жерде бир дагы социалдык объект болгон эмес.
