БИШКЕК, 27-окт. — Sputnik. Ош облусунда Мамлекеттик курулуш тарабынан жыл башынан бери алты бала бакча, беш мектеп, алты ФАП, 200гө чукул эс алуу жана соода жайлары, цех жана мини заводдор пайдаланууга берилгенин аталган агенттин билдирди.
Маалыматка ылайык, аталган объектилердин курулушуна 30 миллион 109 миң сом жумшалган. Бул былтыркы жылдын тогуз айына салыштырмалуу үч миллион сомго ашык көрсөткүч.
Мындан тышкары, жеке турак жай куруу бөлүмү тарабынан 2847 жер тилкеси бөлүнүп, анын теңинин долбоордук документациясы түзүлгөн.
