Синдзо Абэ менен япончо саламдашкан Атамбаев сакура жөнүндө айтып берди

Жазылуу
Президент Алмазбек Атамбаев Япониянын премьер-министри Синдзо Абэ менен жолукту. Чыгыш өлкөсүнүн өкмөт башчысы Кыргызстанга Борбор Азия мамлекеттерине болгон иш сапарынын алкагында келди.

Президенттин маалымат кызматы билдиргендей, жолугушуу учурунда соода-экономикалык, маданий-гуманитардык багыттар боюнча кыргыз-япон кызматташтыгынын маселелери талкууланды.

Атамбаев мындай эки жыл мурда Японияга болгон иш сапары учурунда жылуу кабыл алганы үчүн ыраазычылыгын билдирди.

"Ал иш сапарда мен сакуранын көчөттөрүн ала келгем. Аларды Бишкектин түштүк тарабына отургуздук. Алар өнүп, өсүп чыкты. Албетте, бул жакшы жөрөлгө, эки мамлекеттин мындан аркы кызматташтыгы да өрчүп өнөт деп ойлойм", — деди ал.

Кыргызстан менен Япония кызматташуу боюнча 9 документке кол коюшту.

Жаңылыктар түрмөгү
0