БИШКЕК, 24-окт. — Sputnik. Каржы министрлиги республикалык бюджетти так аткарып, социалдык милдеттемелерин өз убактысында аткарышы керектигин президент Алмазбек Атамбаев аталган мекеменин башчысы Адылбек Касымалиевди кабыл алуу учурунда билдирди.
15 Тогуздун айы 2015, 14:38
Жолугушуу учурунда каржы министри үстүбүздөгү жылдын республикалык бюджетинин аткарылышы, 2016-жылга карата финансылык документти даярдоо долбоору жана жүргүзүлүп жаткан бюджеттик саясат тууралуу маалымат берди.
Мындан тышкары, Касымалиев өлкө башчысын бюджеттин киреше бөлүгүнүн аткарылышы боюнча план менен тааныштырды. Муну менен бирге мамлекеттик акчанын сарптала турган негизги багыттары белгиленди.
Президент республикалык бюджеттин тең салмактуулугун сактоо жана социалдык милдеттемелердин туруктуу аткарылышын талап кылды.
