БИШКЕК, 15-окт. — Sputnik. Кыргызстан бюджеттин ачыктыгын баалоочу рейтингде 76-орундан 34-орунга чыгып, Казакстан, Түркия, Малайзия, Венгрия, Сербия жана Индия сыяктуу мамлекеттерди артка калтырганын Каржы министрлиги билдирди.
6 Тогуздун айы 2015, 11:36
Маалыматка ылайык, Эл аралык бюджет өнөктөштүгүнүн бюджет ачыктыгы боюнча изилдөөсү эки жылда бир жасалат. Рейтинг бюджет тууралуу маалыматтын коомчулукка жеткиликтүүлүк даражасын аныктайт.
2012-жылы Кыргызстандын бюджетинин ачыктыгы 20 баллга жетип, республика 76-орунду ээлеген. Быйыл бул көрсөткүч 54 баллга жетип, Кыргызстан 34-орунга көтөрүлдү.
Бюджеттин ачыктыгы жарандардын мамлекеттик башкаруу органдарына болгон ишенимин арттырып, коррупциялык көрүнүштөрдү азайтууга өбөлгө түзөт. Мындан тышкары, өлкөгө эл аралык инвесторлорду кызыктыруучу көрсөткүч боло алат.
