Чүйдө айдоочу менен жанындагы кишини бычактап, качып кеткен жүргүнчү кармалды

Жазылуу
Окуя болгон жерге келген милиция кызматкерлери из суутпай эле Кочкор районун тургунун кармашкан. Текшерүү учурунда ал Бишкекте жыгач уста болуп иштери аныкталган.

БИШКЕК, 19-окт. — Sputnik. Чүйдө айдоочу менен жанындагы кишини бычак менен жарадар кылып, качып кеткен жүргүнчү кармалганын ИИМ билдирди.

Маалыматка ылайык, "Тойота-Эстима" унаасынын айдоочусу Нарын облусуна бара жатып, Бишкектин автобекетинен эки жүргүнчүнү сала кеткен. Анын бири мас абалында 50-55 жаштагы жаран болгон. Кечке маал Токмок шаарынын айланасына жеткенде ал күтүүсүз эле бычак менен айдоочу жана жанындагы дагы бир жүргүнчүнү сайып салган. 

Кол кишен. Архив - Sputnik Кыргызстан
Караколдо үч кишинин өлүмүнө алып келген кылмыштын бети ачылды
Саат кечки сегизде 29 жаштагы айдоочу менен 32 жаштагы бычак жеген жүргүнчү Токмок шаардык ооруканасына жеткирилген. Экөө тең мойнунан, көкүрөгүнөн жарадар болушкан. 

Окуя болгон жерге келген милиция кызматкерлери из суутпай эле Кочкор районун тургунун кармашкан. Текшерүү учурунда анын Бишкектин мекемелеринин биринде жыгач уста болуп иштери аныкталган. 

Кармалган адам убактылуу кармоочу жайга киргизилди. Ага "Киши өлтүрүүгө аракет кылуу" беренеси менен кылмыш иши козголду. Учурда тергөө амалдары жүрүп жатат.

Жаңылыктар түрмөгү
0