БИШКЕК, 18-окт. — Sputik. "Ислам мамлекети" террористтер тобу өзүнүн таасирин күчөтүп, иш-аракеттерин Европага, Россияга, Борбордук жана Түштүк-Чыгыш Азияга жайылтуу планын билдирүүдө, ал эми Афганистан КМШ өлкөлөрүнө жана Кытайдын түндүгүнө өтүү үчүн пайдаланылышы мүмкүн.Бул туурасында Россиянын коргоо министринин орун басары Анатолий Антонов билдирди.
Ошону менен катар ал террористтердин КМШ өлкөлөрүн жана Кытайдын түндүгүн карай Афганистан аркылуу өтүшү мүмкүн деп белгиледи. Бүгүнкү күнү ал өлкөдө туруксуздук эң курч көйгөй бойдон калууда. Түндүк бөлүгүндө кырдаалдын начарлашы уланып, терактылардын аягы суюлбай, карапайым элдин арасында курмандыктардын саны өсүүдө.
"Акыркы кезде Афганистандын аймагында "Ислам мамлекетине" тиешелүү террористик топтордун аракеттери күч алды",— деди РФ министри.
Антонов бул өлкөнүн аймагын аталган топтун КМШнын Борбордук Азиядагы мамлекеттерине жана Кытайдын Синьцзян-Уйгур автономдук аймагын карай жайылуу үчүн колдонушу ыктымалдыгын кошумчалады.
