БИШКЕК, 12-окт. — Sputnik. Бейбаштык жана кызмат абалынан кыянаттык менен пайдалануу беренелеринин негизинде кылмыш иши козголгон Улуттук гвардия аскердик бөлүгүнүн командиринин иши тергелип бүтүп, сотко өткөнүн Башкы прокуратура билдирди.
Үстүбүздөгү жылдын 22-июлунда бөлүктүн командири жана башка аскер кызматкерлери кызматтык унаа менен Аксы районундагы "Сары-Челек" коругуна келишкен. Өтүүгө уруксат ала албаган аскер кызматкерлери корук жумушчуларына күч колдонуп, өзүм билемдик менен дарбазаны ачып, аймакка кирип кетишкен.
Маалыматка ылайык, аталган ишти Ош гарнизонунун аскердик соту карайт.
