БИШКЕК, 11-окт. — Sputnik. Адаттагындан башкача жашыл түстүү полярдык жаркырактын Эл аралык космос станициясынан тартылган сүрөтү НАСАнын сайтында жарыяланды.
Сүрөттүн автору астронавт Скотт Келли аны 7-октябрь күнү Жерде орто кубаттуулуктагы магниттик бороон учурунда тартып алган.
Полярдык жаркырак — асмандын табигый жарыктануусу (люминесценция). Ал айрыкча бийик кеңдиктерде жакшы көрүнүп, күн шамалынын заряддалган бөлүкчөлөрү менен атмосферанын магниттик сферага ээ жогорку катмарларынын өз ара таасиринен пайда болот.
