БИШКЕК, 7-окт. — Sputnik. Жайыл районундагы Суусамыр өрөөнүндө 6-октябрда түшкү саат 12:40та Бишкек – Ош кан жолунун 209-чакырымында Toyota Sequoia автоунаасу менен Mercedes-Benz кагышып, бир киши каза болуп, төрт киши жабыркаган. Бул тууралуу Өзгөчө кырдаалдар министрлиги билдирди.
Кырсык болгон жерге Жайыл райондук ооруканасынын Суусамырдагы фельдшердик акушердик пунктунан бир тез жардам унаасы барып, каза болгон адамды ооруканага алып кеткен. Ал эми жаракат алган төрт адамды жолдон өтүп бараткан унаалар Жайыл райондук ооруканасына жеткиришкен.
