БИШКЕК, 2-окт. — Sputnik. Өзгөчө кырдаалдар министрлиги шайлоо өнөктөштүгү учурунда болуп кете турган чукул кырдаалга болгон даярдыгын вице-премьер-министр Абдырахман Маматалиев текшерди. Бул тууралуу өкмөттүн маалымат кызматы билдирди.
Министрлик тарабынан коопсуздук чаралары кабыл алынып, ар бир шайлоо участкалары өрт өчүрүүчүлөргө бөлүнүп берилген.
"Эгер өзгөчө кырдаалдар болуп кетсе, келип түшкөн маалыматтарды ыкчам анализдеп, чараларды көрүү үчүн нөөмөт-диспетчердик кызматка ыкчам берилиши керек", — деди вице-премьер-министр.
Маматалиев Өзгөчө кырдаалдар министрлигинин алдындагы Кризистик жагдайларды башкаруу борбору бардык нерсеге даяр болушу керектигин белгиледи.
