БИШКЕК, 1-окт. — Sputnik. Башкыртстан республикасынын борбор калаасы Уфа шаарында Кыргызстан товарларынын жана азык-түлүгүнүн көргөзмөсү өтө турганын Экономика министрлиги билдирди.
Маалыматка ылайык, иш-чара 2015-жылдын 17-21-ноябрь күндөрү болот. Көргөзмөдө биринчи жолу кыргызстандык ишканалар тааныштырылып, ага келген башкырт ишкерлери республиканын рыногу, суроо-талабы тууралуу кенен маалымат алуусуна мүмкүнчүлүк түзүлөт.
Көргөзмө учурунда ишкердүүлүктүн чегин кеңейтип, бир катар пайдалуу келишимдерди түзүү каралган.
Министрлик нефть жана газ өндүрүүчү, кайра иштетүүчү, химиялык жана машина куруучу комплекстери Башкыртстандын алдыңкы тармактарынан экенин белгилейт.
