БИШКЕК, 24-сен. — Sputnik. Улуттук илимдер академиясында "Башкаруунун жана маалыматтык технологиялардын кɵйгɵйлɵрү" деп аталган II Эл аралык конференция өтөт деп билдирди аталган мекеменин маалымат кызматы.
Эл аралык иш-чара Кыргызстандын Улуттук Илимдер академиясынын Автоматика жана маалыматтык технологиялар институтунун 55 жылдык мааракесине арналат.
Конференцияга Россия, Казакстан, Ɵзбекстан жана Кыргызстандын ири окумуштуулары катышып, аталган темада талкууларды өткөрөт.
Конференцияда Кыргызстандын Улуттук илимдер академиясынын президенти Абдыганы Эркебаев, Автоматика жана маалыматтык технологиялар институтунун жетекчиси Жаныбек Шаршеналиев жана бир топ окумуштуулар доклад жасамакчы.
