БИШКЕК, 23-сен. — Sputnik. Жергиликтүү бал өндүрүүчүлөр эл аралык Апимондия (бал челекчилер ассоциацияларынын дүйнөлүк федерациясы) конгрессинде баш байгеге, андан тышкары, бир алтын, эки күмүш жана төрт коло медаль багындырганын Sputnik агенттигине Кыргызстандын балчылар биримдиги билдирди.
Быйыл конгресс 14-19-сентябрь күндөрү Түштүк Кореянын Тэджон шаарында өтүп, ага 146 мамлекет катышты.
Биримдиктин маалыматында кыргыз балы экинчи ирет катары менен дүйнөдөгү мыкты шириндик деп аталууда. 2013-жылы кыргыз балы баш байге менен бирге үй алтын, эки күмүш медалга ээ болгон. Анда конгресс Украинанын борбор калаасы Киев шаарында өткөн.
