БИШКЕК, 22-сен. — Sputnik. "Дордой" базарындагы сатуучунун ишенимине кирип, 102 миң 607 сомдук товарын алып кеткен аял кармалганын Бишкек ШИИБ билдирди.
Маалыматка ылайык, окуя үстүбүздөгү жылдын 24- майында болгон. 55 жаштагы Бүмайра аттуу аял алдоо жолу менен соодагердин товарын алып кеткенден кийин дайынсыз болуп из жашырып кеткен.
Сатуучунун арызынын негизинде милиция кызматкерлери тарабынан алдап кеткен жаран кармалды. Учурда тергөө иштери жүрүп жатат.
