БИШКЕК, 17-сен — Sputnik. Москвада окуган кыргызстандык студенттерди шайлоодо добуш берүүгө чакырышты деп билдирди КРдин Россиядагы элчилигинин маалымат кызматы.
Кыргызстандын Россиядагы элчилигинде биринчи курстун студенттери менен элчи Болот Жунусовдун жолугушуусу өттү. Ага Москвада окуган 1000ге чукул студенттер жана россиялык жогорку окуу жайларда (ЖОЖ) иштеген мекендеш окутуучулар келишти.
Андан сырткары консулдук бөлүмдүн кызматкерлери Россияга кирүүдөгү эрежелер, чет элдиктерге каралган тартиптер жана миграция маселелерин мыйзам чегинде КР менен РФ элчиликтери өз ара иштешип, чече тургандыгын айтып берди.
Ал эми окутуучулар студенттерге өздөрүнүн чет жакта окуган тажрыйбалары, жеткен ийгиликтери туурасында айтып беришти.
Студенттерге Жогорку Кеңешке боло турган шайлоого мыйзамдар менен алганда, Кыргызстандын аймагында жана чет өлкөлөрдөгү элчиликтерде, дипломатиялык жана консулдук мекемелерде добуш бериле тургандыгын айтып беришти.
Элчиликтен курстун студенттерин шайлоого активдүүрөөк катышууга үндөштү.
