БИШКЕК, 12-сен. — Sputnik. Тажикстандын Коргоо министринин мурдагы орун басары, Душанбеге жана Вахдаттка куралдуу кол салуу уюштурган генерал Абдухалим Назарзоданын тобу курчоого алынганын РИА Новости билдирди.
Буга чейин Назарзоданын жок кылынгандыгы тууралуу маалымат тарап, бирок аны Тажикстандын укук коргоо органдары тастыктаган эмес.
"Назарзода жана анын куралдуу тобунун жашырынган жери белгилүү болду. Мурунку генерал онго жетпеген адамдарынын коштоосунда", — дейт маалымат булагы. Ага ылайык, аталган аймакка кошумча күч жана аскердик техника жеткирилди.
Учурда Назарзоданын кылмыштуу тобун жок кылуу боюнча күч структураларынын биргелешкен аракети уланууда. Расмий маалымат боюнча, атайы операция башталгандан бери Назарзоданын 130 тарапташы кармалып, 22си жок кылынган.
