ЖМК: Тажикстандын коргоо министринин мурдагы орун басары Назарзода жок кылынды

© Sputnik / Табылды КадырбековАвтоматчан ИИМ кызматкери. Архив
Автоматчан ИИМ кызматкери. Архив - Sputnik Кыргызстан
Жазылуу
Ромит капчыгайында жашырынып жүргөн, Душанбеге жана Вахдаттка куралдуу кол салуу уюштурган деп шектелген генерал жок кылынды.

БИШКЕК, 11-сен — Sputnik. Тажикстандын коргоо министринин мурдагы орун басары, Душанбеге жана Вахдаттка куралдуу кол салуу уюштурган генерал Абдухалим Назарзода жок кылынды. Бул туурасында "Азия плюс" маалымат агенттиги атайын операцияга катышкан булактардын айтканына таянып билдирди. 

"Мындан эки саат мурда Ромит капчыгайында жашырынып жаткан генерал Абдухалим Назарзода жок кылынды", — деп жазылган маалыматта. 

Душанбе шаары. Архив - Sputnik Кыргызстан
Душанбеде кол салууда ИИМ менен Коргоо министринин 33 кызматкери окко учту
Бул кабарды расмий булактар азырынча тастыктай элек. 

2015-жылдын 7-сентябрында таңга маал Вахдаттын Ички иштер бөлүмүнө кол салынып, ошол эле күнү Душанбеде Коргоо министрлигинин Борбордук аппаратынан ири көлөмдөгү курал уурдалып, ИИМ муну да куралдуу кол салуу деп атаган. Ошол эле убакта аэропорттун бурулушунда куралдуу күчтөр менен милициянын ок атышуусу болгон. 

Душанбеде кол салуу учурунда Тажикстандын ИИМ жана Коргоо министрлигинин 33 кызматкери жана мурдагы министрдин орун басарынын жактоочуларынан турган топтун тогуз кишиси өлгөнү жөнүндө жума күнү Коргоо министрлигиндеги маалымат булагы билдирген.

Жаңылыктар түрмөгү
0