БИШКЕК, 11-сен. — Sputnik. Президент Алмазбек Атамбаев Казак хандыгынын 550 жылдыгына арналган салтанаттуу жыйынга катышканын өлкө башчынын маалымат кызматы билдирет.
Бүгүн, 11-сентябрда президент Казакстанга жумушчу иш сапары менен учуп кетти. Салтанат бир катар мамлекет башчыларынын катышуусу менен Астана шаарындагы Эгемендик сарайында өтүп жатат.
Ушул эле күнү Атамбаев Түрк тилдүү өлкөлөрдүн жетекчилеринин V саммитине катышат. Анда аталган биримдикке кирген мамлекеттердин мындан аркы ар кыл жааттагы кызматташууларын кеңейтүү талкууланат.
