БИШКЕК, 9-сен. — Sputnik. Улукбек Кармышаков каржы министринин орун басары болуп дайындалганын аталган мекеменин маалымат кызматы кабарлайт.
Билдирүүгө ылайык, тийиштүү буйрукка премьер-министр Темир Сариев кол койгон.
Жаңы дайындалган орун басарды эмгек жамаатына министр Адылбек Касымалиев тааныштырды.
Улукбек Кармышаков буга чейин аталган министрликте иштеп, андан кийин "РСК Банктын" ички аудит бөлүмүн жетектеп келген.
