БИШКЕК, 7-сен. — Sputnik. Ош шаарынын прокуратурасы Ош шаардык сотунун судьясы Рамазан Кожомкуловду айыпкерге карата мыйзамсыз Чечим чыгарганына байланыштуу катуу дисциплинардык жоопко тартуу сунушу менен Кыргызстандын Соттор кеңешине кайрылды.
Башкы прокуратуранын маалыматына ылайык, баңгизат даярдоо, сатуу, ташуу боюнча айыпталган Тажикстандын жараны Пайрав Назришоевге карата козголгон кылмыш иши тергелип, Ош шаардык сотуна жөнөтүлгөн.
Мындан улам Ош шаардык прокуратурасы биринчи инстанциянын чечимин жокко чыгаруу боюнча Ош облустук сотуна сунуш киргизген.
2015-жылдын 26-августунда экинчи инстанциядагы соттук териштирүүнүн негизинде шаардык соттун чечими жокко чыгарылып, Назришоевди мүлкүн конфискациялоо менен 14 жылга эркинен ажыратуу чечими чыкты.
Ага ылайык, мыйзам бузуп, күнөөлүү деп табылган Тажикстандын жараны күчөтүлгөн тартиптеги түзөтүүчү колонияда жазасын өтөйт.
