БИШКЕК, 2-сен. — Sputnik. Депутаттыкка талапкерлердин арасында курал сактоо, баңгизат сатуу, зордуктоо, адам өлтүрүүгө аракет кылгнадык үчүн соттолгондор жана уюшкан кылмыштуу топтун мүчөлөрү бар экенин шайлоого даярдык көрүү боюнча республикалык штаб жыйынында БКШнын төрагасы Туйгунаалы Абдраимов билдирди.
БШК төрагасынын айтымында, партиялар өз тизмесинен ири кылмышка тиешеси бар жарандарды алып салганы менен, анда майда кылмыш үчүн жоопко тартылгандар калган. Учурда парламенттик шайлоого ат салышам деген 14 партиянын курамында 227 талапкер буга чейин сот жообуна тартылганы анык.
"Алардын арасында баңгизат сатуу, зордуктоо жана адам өлтүрүүгө аракет кылгандык үчүн соттолгондор жүрөт", — деди БШК төрагасы.
Абдраимов ИИМ кылмыштар боюнча маалыматын партия лидерлерине жөнөткөнүн белгиледи.
