БИШКЕК, 3-сен. — Sputnik. Сентябрь айында бир куб метр жаратылыш газынын баасы калк үчүн 14,9 сом, ал эми өнөр жай ишканалары, коммерциялык структуралар жана бюджеттик уюмдар үчүн 18,2 сом чегинде белгиленгенин Мамлекеттик отун-энергетикалык комплексти жөнгө салуу агенттиги билдирди.
Маалыматка ылайык, газга болгон баанын жогорулашы доллардын кымбатташы менен байланыштуу.
Сентябрь айында газдын баасы өткөн айга салыштырмалуу калк үчүн 75 тыйынга, ал эми өнөр жай ишканалары, коммерциялык структуралар жана бюджеттик уюмдар үчүн 85 тыйынга кымбаттады.
