БИШКЕК, 1-сен. — Sputnik. Партия тизмелерине ылайык 234 талапкер кылмыш ишине тиешеси бар экенин Адам укугу, конституциялык мыйзам жана мамлекеттик түзүм боюнча комитеттин жыйынында ИИМ орун басары Курсан Асанов билдирди.
БШК укук коргоо органдарындагы маалымат топтомдор аркылуу ар бир талапкерди текшерүүдө.
Асановдун айтымында, ИИМ эки миңден ашуун талапкердин маалыматын карап чыкты.
"Алардын 243ү кылмыш ишине тиешеси бар экени аныкталды. 53 талапкерге карата сот чечими чыга элек, 15и тергөө астында болсо, дагы үчөөнө издөө жарыяланган", — деди министрдин орун басары.
БШК төрагасы Туйгунаалы Абдраимов талапкерлердин соттолбогонун жана алардын уюшкан кылмыштуу топторго мүчө эместигин тастыктоо үчүн текшерилип жатканын белгиледи.
"Партиялардын тизмесинде кылмыш иши үчүн соттолгон жана уюшкан кылмыштуу топтордун курамына кирген талапкерлер бар. Биз бул маалыматтарды партия лидерлерине жөнөтүп жатабыз. Айрымдары аталган талапкерлерди тизмеден алып салып жатышат", — деди Абдраимов.
Парламенттик шайлоого катышуу ниетин 14 саясий партия билдирди. Бардыгы болуп эки миң 267 талапкерден турган тизме БШКга өттү.
