Назарбаев: Кыргызстан туруктуу жана тездик менен өнүгүүдө

© Пресс-служба президента КР / Султан ДосалиевАлмазбек Атамбаев Казакстандын президенти Нурсултан Назарбаев менен. Архив
Алмазбек Атамбаев Казакстандын президенти Нурсултан Назарбаев менен. Архив - Sputnik Кыргызстан
Жазылуу
Назарбаев Казакстан менен Кыргызстандын мындан аркы шериктешик мамилелердин өнүгүшүнө өзгөчө маани берет.

БИШКЕК, 29-авг. — Sputnik. Казакстандын президенти Нурсултан Назарбаев КРдин президенти Алмазбек Атамбаевди жана Кыргызстандын элин Эгемендүүлүк күнү менен куттуктады.

31-августта Кыргызстан Эгемендүүлүгүнүн 24 жылдыгын белгилейт.

Назарбаевдин куттуктоосунда акыркы жылдары Кыргызстан туруктуу жана тездик менен өнүгүп жатканы айтылат. Казак президентинин айтымында, буга Кыргызстандын ЕАЭБге кошулушу далил.

"Бул биздин мамлекеттер ортосундагы мындан аркы саясий, соода-экономикалык жана маданий-гуманитардык байланыштардын тамыр алып, өнүгүшүнө салым кошот деп ишенем", — деп айтылат Казакстандын президентинин куттуктоосунда. 

Назарбаев Казакстан Кыргызстан менен мындан аркы шериктештик мамилелердин өнүгүшүнө өзгөчө маани берерин баса белгиледи.

Казакстандын президенти Кыргызстандын президентине чың ден соолук, мамлекеттик иштеринде ийгилик жана кыргыз элине тынччылык жана өнүгүү каалады.

Жаңылыктар түрмөгү
0