Ирактын бийлиги Багдаддын "жашыл тилкесин" жеткиликтүүрөөк кылууну буйурду

БИШКЕК, 29-авг. — Sputnik. Ирактын премьер-министри Хайдер аль-Абади өлкөнүн тургундарына жашыл тилке деп аталчу шаардын борборунда өзгөчө кайтаруудагы районго жеңил кирип-чыгуу мүмкүнчүлүгүн берүүнү буйурду. Аталган аймакта чет элдик жана өкмөттүк объекттер орун алган деп билдирет Рейтер агенттиги.

Аль-Абадинин айтымында, бул чаралар террористтердин куугунтугуна көп туш болуучу "карапайым жарандарды коргоо" үчүн көрүлдү. Ошондой эле Ирактин премьери өлкөнүн аймактарында мурда жабылган көчөлөрдү калктын пайдалануусу үчүн жеткиликтүү кылып ачууну буйурду. 

2015-жылы кышында Ирактын бийлиги Багдадда бир нече жылдан бери күчүндө турган коменданттык саатты алып салган.

Иракта туруксуз абал дагы эле өкүм сүрүүдө, ага биринчи кезекте "Аль-Каида" менен байланышы бар "Ислам мамлекети" радикалдык тобунун согушкерлери жасаган ири чабуул себеп болгон. "Ислам мамлекети" Сириянын аймагында жүргүзгөн аракеттери учурунда эң көп күч топтогон. Ал аталган өлкөнүн өкмөттүк күчтөрүнө каршы күрөшүп, эң ырайымсыз топ аталган. Согушкерлердин аракеттеринин натыйжасында бир нече миң карапайым тургун курман болуп, жүз миңдегени качкынга айланып жана дагы бир нече миңи барымтада жатат.