БИШКЕК, 29-авг. — Sputnik. Баткен облусунда каракчылык беренеси боюнча соттолуп чыгып, кийинки кылмыш ишин тергөө учурунда издөөгө алынган 35 жаштагы кылмышкер кармалганын ИИМ билдирет.
Маалыматка ылайык, аталган жаран Көлбаевдин уюшкан кылмыштуу тобунун мүчөсү болуп, Кызыл-Кыя шаары жана Кадамжай району боюнча криминалдык "смотрящий" статусуна ээ болгон.
Мындан тышкары, Ош шаарынан дагы бир уюшкан кылмыштуу топтун мүчөсү, 46 жаштагы жаран кармалды. Текшерүү учурунда анын чөнтөгүнөн 8,3 грамм анаша табылган.
Аталган фактылар боюнча кылмыш иши козголуп, кармалган эки жаран тең убактылуу кармоочу жайга киргизилди. Учурда тергөө иштери жүрүп жатат.
