БИШКЕК, 28-авг. — Sputnik. Өкмөт мамлекеттик кызматкерлер, тагыраагы, дарыгерлер менен мугалимдер үчүн жеңилдетилген ипотекалык кредит берүүнү караган атайын комитет түзүү боюнча токтом кабыл алды. Бул туурасында премьер Темир Сариев өкмөттүн жыйынында билдирди.
Анын айтымында, бул калктын корголбогон катмарына жардам берүү үчүн жасалат.
"Каржы министрлиги комитеттин уставдык фондун түзүү жагын караштырып жатат", — деди премьер-министр.
Сариев тармактык министрликтерде мугалимдер менен дарыгерлер үчүн жардам фонду түзүлөрүн кошумчалады.
