БИШКЕК, 24-авг. — Sputnik. Ички иштер министри Мелис Турганбаев бардык облустардагы Жол кайгуул кызматынын жетекчилерин чогултуп жыйын курганын Sputnik агенттигине министрликтен билдиришти.
Премьер-министр Темир Сариев 24-августта ички иштер министри Мелис Турганбаев жана Жол кайгуул кызматынын башчысы Сергей Дьяченкону кабыл алып, интернетке тараган Ош шаардык Ички иштер башкармалыгынын жол кайгуул кызматкерлери катышкан окуя боюнча жыйын курган. Бул ишке тийиштиги бар бардык кызматкерлер ишинен алынган.
Министрликтеги булактын билдиришинче, Турганбаев башкармалыктардын жетекчилилери кызматкерлеринин жүрүм-турумуна жоопкер боло турганын жыйында билдирген. Бирок кандай жооп тартары тактала элек.
Эртең ИИМ жетекчилиги Жол кайгуул кызматынын учурдагы иши боюнча маалымат жыйын өткөрө турганын министрликтен кошумчалашты.
