БИШКЕК, 24-авг. — Sputnik. ЕАЭБ өлкөлөрүнө Кыргызстандын 12 ишканасы тосколдуксуз эт жана сүт азыктарын экспорттой ала турганын Мамлекеттик ветеринардык жана фитосанитардык коопсуздук боюнча инспекциянын директору Самир Осмоналиев маалымат-конференциясы учурунда билдирди.
Үстүбүздөгү жылдын 12-августунда Кыргызстан Евразиялык экономикалык биримдикке толук укуктуу мүчө болду. Мындан улам кыргыз-казак чек арасындагы бажы көзөмөлү алынган.
ЕАЭБдин реестринде Кыргызстандын 12 ишканасы катталган. Анын сегизи сүт азыктарын өндүрсө, экөө балык жана дагы экөө бал өндүрүү менен алектенет.
Осмоналиев булардан тышкары дагы 10 ишкана билдирме бергенин кошумчалады.
