БИШКЕК, 24-авг. — Sputnik. Манжа издери аркылуу бир адамдын сегиз ирет үй уурулугуна баргандыгы аныкталганын Бишкек ШИИБ кабарлайт.
Иликтөө иш-аракеттеринин натыйжасында Бишкекте Ысык-Көл облусунун 23 жаштагы тургуну кармалып, манжа издери аркылуу 2011-жылдан бери катталган сегиз кылмыш ишине катыштыгы бар экени аныкталган. Текшерүү иштеринин жүрүшүндө анын Сокулуктагы үй уурулугуна тиешеси бар экени белгилүү болду.
Маалыматка ылайык, үстүбүздөгү жылдын 26-июнунда болжол менен саат 10до европа улутундагы белгисиз эки адам Военно-Антоновка айылында күч колдонуу менен62 жаштагы жарандын үйүнөн буту-колун байлап, 100 миң сом жана 3200 доллар акчасын, үч миң долларга бааланган зер буюмдарын алып кетишкен.
Кармалган үч адам тең коюлган күнөөнү толугу менен моюндарына алышты.
Учурда аталган кылмыштуу топтун мүчөлөрү убактылуу кармалуучу жайга киргизилип, алардын башка иштерге тиешелүүлүгү текшерилип жатат.
