БИШКЕК, 22-авг. — Sputnik. Сегиз партия депутаттыкка талапкерлеринин тизмесин Борбордук шайлоо комиссиясына тапшырганын БШК мүчөсү Канатбек Азиз билдирди.
Жогорку Кеңеш шайлоосу 2015-жылдын 4-октябрына белгиленген.
Ушу күндө өз тизмелерин төмөнкү саясий уюмдар өткөрдү:
- "Азаттык"
- "Ар-Намыс"
- "Республика Ата Журт"
- "Бир Бол"
- "Ата Мекен"
- "Өнүгүү-Прогресс"
- "Аалам"
- КСДП
Канатбек Азиз шайлоого катышуу үчүн документтерди тапшыруу 25-августта аяктай турганын эскертти. 20-августка чейин съездин өткөрүп, талапкерлердин тизмесин бекитүүгө жетишпей калган саясий уюмдар катталбайт. Мында партиялар шайлоо күрөөсүн тапшырганы тууралуу документтердин копиясын кошо бериши керек. Шайлоо күрөөсүнүн суммасы беш миллион сомду түзөт.
