Бейшемби күнү ӨКМдин куткаруучулары Казакстандан өрттү өчүрүүгө жардам берет деген тик учактын келишин күтүп жатышат.
Өрт Токтогул районунун Жаңы-Жол айыл аймагындагы Чычкан капчыгайында 2015-жылдын 13-августунда саат 16:17 чамасында Бишкек-Ош унаа жолунун 251-253-чакырымдарында башталган. Өрттү өчүрүүгө Казакстандын Өзгөчө кырдаал министринин тик учагы тартыла турган болгон.
Бүгүн өрттү өчүрүүгө 700гө чукул адам чыкты. Жергиликтүү бийлик өкүлдөрү Ош — Бишкек жолу Чычкан капчыгайынын этегинде, ал эми эми өрт капчыгайдын төрүндө болуп жаткандыктан жүргүнчүлөргө коркунуч жаратпай тургандыгын айтышты.
