Сариева: мектеп формасын саткандар ата-энелерди адаштырууда

© Sputnik / Евгения Новоженина / Медиабанкка өтүүМектеп формасы. Архив
Мектеп формасы. Архив - Sputnik Кыргызстан
Жазылуу
Министр 30-сентябрга чейин мектеп окуучулары эркин форма менен мектепке келе алышарын кошумчалады. Мындай мөөнөт форманы аныктоо үчүн атайы белгиленген.

БИШКЕК, 18-авг. — Sputnik. Мектеп администрацияларынын ата-энелер менен бирге бирдиктүү мектеп формасын тандап алууга мүмкүнчүлүгү бар экенин билим берүү жана илим министри Элвира Сариева билдирди. 

Дүйшөмбү күнү өкмөт мектеп формасынын кеңейтилген стандарты тууралуу токтом кабыл алды. Анда форманын негизги өңү, фасонунун кеңири түрү каралган.

Сариеванын айтымында, айрым мектеп формасын сатуучулар министрликтин өткөн жылкы бирдиктүү форма тууралуу (кочкул кызыл пиджак) жокко чыгарылган токтомун бетке кармап окуу жылынын алдында ата-энелерди адаштырышууда.

"Тынчсызданууга себеп жок. Мектеп администрациялары 10-сентябрга чейин ата-энелердин чогулушун өткөрүп, балдарга да, ата-энелерге да жаккан форманы тандап алса болот", — деди министр.

Сариева 30-сентябрга чейин мектеп окуучулары эркин форма менен мектепке келе алышарын кошумчалады. Мындай мөөнөт форманы аныктоо үчүн атайы белгиленген. 

Министрликте аталган маселе боюнча комиссия түзүлүп, жер-жерлерде иш жүргүзө турганы маалымдалды.

Кыргызстандык окуучуну мектепке даярдоо канча турарын Sputnik инфографикасынан караңыз>>

Жаңылыктар түрмөгү
0