БИШКЕК, 17-авг. — Sputnik. Бишкек шаарында биометрикалык маалымат иш күнү аяктагандан кийин да кабыл алына турганын Мамлекеттик маалымат кызматы билдирет.
Жарандардын ыңгайлуулугу үчүн Свердлов райондук администрациясында жана Бишкектин беш ири соода түйүндөрүндө биометрикалык маалымат чогултуу пункттары ачылды.
Маалыматка ылайык, эми биометрикадан "Космопарк", "ЦУМ", "Беш-Сары-Сити", "Бишкек Парк" жана "Боорсок" соода түйүндөрүнөн өтүүгө болот. Мындан тышкары, биометрикалык маалыматты шейшембиден ишембиге чейин саат 9.00дөн 22.00гө дейре Свердлов райондук администрациясы да кабыл алат.
Биометрикалык каттоодон каалаган пункттан акысыз өтүүгө болот. Мында КР жарандыгын тактай турган паспорттун болушу зарыл.
