БИШКЕК, 17-авг. — Sputnik. Германия, Ватикан, Дания, Норвегия, Швеция жана Сан-Сарино Республикасынын аймагында жүргөн Кыргызстандын жарандары биометрикалык маалыматтарды КРдин Германиядагы элчилигинде тапшырса боло тургандыгын Тышкы иштер министрлиги билдирет.
Маалыматка ылайык, биометрикалык маалыматтар Берлин шаарында элчиликтин имаратында, Бонн шаарындагы элчиликтин бөлүмүндө жана Франкфурт-на-Майнедеги консулдугунда кабыл алынат.
Иш күндөрү биометрикадан өтүүгө мүмкүнчүлүгү жок жарандар элчиликтин демилгеси менен консулдук бөлүмдө алдын ала жазылуу менен эс алуу жана майрам күндөрү аталган маалыматтарды тапшыра алышат.
Биометрикалык маалымат тапшыруу үчүн Кыргызстандын жарандыгын тастыктаган паспорттун болушу зарыл.
