Маматалиев: Баңги затка каршы күрөшүү боюнча мамлекеттик кызмат майда-чүйдө кылмыш менен алек

© Sputnik / Табылды КадырбековВице-премьер-министр Абдырахман Маматалиев. Архив
Вице-премьер-министр Абдырахман Маматалиев. Архив - Sputnik Кыргызстан
Жазылуу
Вице-премьер аталган кызматка тез арада "Спайс" жаңы психотроптук заттарын көзөмөлгө алынган баңги зат каражаттарынын тизмесине киргизүүнү тапшырды. Мындай демилге ЕАЭБ мамлекеттеринин мыйзамына туура келет.

БИШКЕК, 17-авг. — Sputnik. Баңги затка каршы күрөшүү боюнча мамлекеттик кызматтын алдына эл аралык баңги топторун жана баңги коррупциясына тиешеси бар кызмат адамдарын аныктоо милдетин толук кандуу аткарбай келгенин вице-премьер-министр Абдырахман Маматалиев мекеменин коллегия жыйынында билдирди.

Анын айтымында, негизги күч жана каражат майда-барат баңги кылмыштардын бетин ачууга багытталган.

"Кызмат "Түндүк каттамы" деп аталган багыт боюнча өтүп жаткан "оор" баңги заттарын ташыган эл аралык каналдарды аныктап жок кылуу менен алектениши керек", — деди аткаминер.

Баңги зат. Архив - Sputnik Кыргызстан
Тартип коргоо органдары баңги заттардын каналын токтотту
Маматалиев аталган орган аймакта баңги заттын мыйзамсыз жүгүртүлүшүнө жол берген кылмыштардын түп-тамырын ачып бериши керектигин белгиледи. Анын айтымында, негизги күчтү баңги аткезчилигин жана баңги зат сатуу түзүмүн жоюуга жумшоо зарыл.

Мындан тышкары, вице-премьер-министр Кыргызстандын ЕАЭБге жана Бажы биримдигине кошулушу менен уюмдарга мүчө мамлекеттердин ортосунда товар алмашуу жөнөкөйлөтүлө турганын айтты.

"Мындай жагдай өлкө аймагына синтетикалык баңгизаттардын – амфетамендердин, психотроптук бирикмелердин жана "Спайс" аралашмасынын ири көлөмдө киришин шарттайт", — деди Маматалиев.

Вице-премьер аталган кызматка тез арада "Спайс" жаңы психотроптук заттарын көзөмөлгө алынган баңгизат каражаттарынын тизмесине киргизүүнү тапшырды. Мындай демилге ЕАЭБ мамлекеттеринин мыйзамына туура келет.

"Мамлекеттин баңгизатка каршы саясатынын натыйжалуулугун арттыруу үчүн баңги кылмышы үчүн жоопкерчиликти күчөтүү максатында кылмыш жаза кодексине өзгөртүүлөрдү киргизүү зарыл", — деди чиновник.

Маматалиев мындай чара аткаруу бийлигинин жана өз алдынча башкаруу органдарынын баңги затка каршы күрөшүү боюнча ишин күчөтө турганын кошумчалады. 

Жаңылыктар түрмөгү
0