БИШКЕК, 28-июль — Sputnik. Маршруттук такси айдоочуларынын эсептик картасында нарколог менен диспетчердин ордуна механик кол коюп келгенин тегерек столдо Бишкек ШИИБ Жол кайгуул кызматынын жетекчиси Зумрад Жанабаева билдирди.
"Эртең менен диспетчер жана нарколог келгиче эсептик карталарга механик мөөр басып, кол коюп келген. Аларда айдоочунун абалын, басымын текшере турган аппарат жок", — деди ал.
Жанабаева 30-июндан тарта шаарда жол кырсыктарынын алдын алуу боюнча рейд жүрүп жатканын эскертти. Анын айтымында, жүргүнчүлөр айдоочунун жана унаанын сырткы келбетине нааразы болгон учурлар кездешүүдө.
