БИШКЕК, 28-июль — Sputnik. "ШКУнын жалпы маалымат мейкиндигине карай" аттуу ШКУ өлкөлөрүнүн алдыңкы маалымат каражаттарынын жетекчилеринин форуму шейшемби күнү Москвада өтөт. Форум өткөрүү демилгеси быйыл уюмга төрагалык кылган Россияга таандык.
Форумга уюмдун башкы катчысы Дмитрий Мезенцев, Роспечать мекемесинин жетекчиси Михаил Сеславинский, "Россия сегодня" Эл аралык маалымат агенттигинин башкы директору Дмитрий Киселев баштаган аймактын ири ЖМК жетекчилери катышат. Иш-чараны чагылдыруу үчүн ондон ашык мамлекеттин маалымат өкүлдөрү чакырылган.
Форумдун жыйынтыктоочу декларациясында катышуучулар ШКУ мамлекеттеринин ЖМК ортосундагы кызматташтыкты бекемдөө жана кеңейтүү маселелери каралат. Мындан тышкары, маалыматтык коопсуздук жана экстремисттик идеяларга каршы аракетке көңүл бурулат.
