Эколог: Кыргызстандагы адаттан тыш ысыкка Арктикадагы мөңгүлөрдүн эриши да таасир этүүдө

Жазылуу
НовостиTelegram
Аба температурасынын тең салмактуулугунун өзгөрүшү жылуу жана муздак агымдардын өз ара катнашына таасир этет. Бул жер жүзүндө табигый кырсыктардын көбөйүшүнө алып келүүдө.

БИШКЕК, 24-июль — Sputnik. Арктикадагы мөңгүлөрдүн эриши дүйнө жүзүндө, өзгөчө Кыргызстанда табияттын өзгөрүүсүн шарттады дейт "Биом" экологиялык кыймыл кеңешинин төрагасы Илья Домашев Sputnik агенттиги менен болгон маегинде.

Жай мезгилинин соңу менен Арктиканын экология көйгөйүн  учурдун алдыңкы окумуштуулары талкуулашат. 30-31-августта Аляска штатынын Анкориж аймагында Арктика боюнча эл аралык конференция болот. 

Кыргызстандык эколог Илья Домашев Арктикадагы кырдаал жалпы дүйнө жүзүнө, өзгөчө Борбордук Азия аймагына сезилерлик таасир этип жатканын белгилейт.

"Аба температурасынын тең салмактуулугунун өзгөрүшү жылуу жана муздак агымдардын өз ара катнашына таасир этет. Бул цунами, суу каптоо сыяктуу кырсыктардын пайда болушун шарттап, жаан-чачындын структурасын өзгөртөт", — дейт Домашов.

Эколог Кыргызстан табияттын өзгөрүүлөрүн башынан өткөрүп жатканын кошумчалап, адаттан тыш ысык жана суук аба ырайы климаттын өзгөрүшү менен байланышкан процесстердин натыйжасы экенин билдирди.

Жаңылыктар түрмөгү
0