БИШКЕК, 24-июль — Sputnik. Баткен районунда Дара айыл аймагына караштуу Жаңырык айылындагы Сох—Кан—Зардалы унаа жолунун үстүңкү жагындагы түздүк жарылган. Анын бир катар жерлери 40-50 см. чөгүп, көлөмү болжол менен 2 млн. кубду түзөт. Бул туурасында ӨКМдин маалымат кызматынын жетекчиси Абдишарип Бекилов билдирди.
Сох—Кан—Зардалы унаа жолунла узундугу 20 метр жарака пайда болуп, ары-бери өткөн унааларга кыйынчылык жаратып жатат.
ӨКМдин өкүлү жогорудагы жарака кеткен аймакт,а эгерде жамгыр бир топ убакыт токтобой жааса же жер титиресе, жер көчкү жүрүп, жолду басып, Көк-Суу дарыясын бууп калуу коркунучу бар экенин айтты.
Бул жагдайды 2015-жылдын 23-июлунда Баткен райондук Жарандык коргонуу комиссиясы көрүп, аныктаган жана Дара айыл аймагынын жашоочуларынын коопсуздугун эске алып, тез арада коркунучтун алдын алуу зарылдыгын айтышуда.
