БИШКЕК, 16-июль — Sputnik. Президент Алмазбек Атамбаев Кыргызстан менен Европа реконструкциялоо жана өнүктүрүү банкынын ортосундагы макулдашууну ратификациялады.
Маалыматка ылайык, Токмок шаарынын суу түтүктөрүнүн эскирип, жабдууларды реабилитациялоо жана реконструкциялоо муктаждыгынан улам кыргыз өкмөтү Европалык реконструкциялоо жана өнүктүрүү банкы менен сүйлөшүүлөрдү жүргүзгөн.
Мыйзамды Жогорку Кеңеш 2015-жылдын 17-июнунда кабыл алган.
Мындан улам Каржы министрлигине жогоруда көрсөтүлгөн макулдашуулардын күчүнө кириши үчүн зарыл болгон мамлекеттик ички жол-жоболор Кыргызстан тарабынан аткарылганы жөнүндө Европа реконструкциялоо жана өнүктүрүү банкына белгиленген тартипте кабарлоо милдети тапшырылды.
Мыйзам расмий жарыяланган күндөн тартып он күн өткөндөн кийин күчүнө кирет.
